Шанхай кызматташуу уюмунун саммитин Кыргызстанда өткөрүү боюнча уюштуруу тобунун алгачкы жыйыны бүгүн өкмөт үйүндө болуп өттү. Анда президент Курманбек Бакиев билдирүү менен чыгып, Шанхай кызматташуу уюмунун алкагында коопсуздук жана экономикалык жактан кызматташуу маселелерине өзгөчө көңүл бурду. Президент ошондой эле келерки жылы Кыргызстанда Шанхай кызматташуу уюмунун саммитин жогорку деңгээлде өткөрүүгө бардык мүмкүнчүлүктөр бар экенин белгиледи.
