БИШКЕК. Алар азыр Москвадагы ооруканаларда дарыланууда. Бул тууралуу бүгүн тышкы иштер министрлигинен кабарлашты. Орусия борборунда курулушта иштеген 200дөн ашуун эмгек мигранттары мурда күнү тамак-аштан ууланып, ооруканаларга түшкөн. Алар негизинен Түркия, Азербайжан жана Өзбекстандын жарандары экени айтылууда. Кыргыз жарандарына байланышкан кырдаалды Москвадагы кыргыз элчилигинин кызматкерлери көзөмөлдөөдө.