БИШКЕК. Москва шаарындагы Черкизов базарында кечээ болгон жардыруудан мерт болуп, жабыр тарткандардын арасында кыргызстандыктар бар же жок экени боюнча так маалыматтар чыга элек. Тышкы иштер министрлигинин маалымат кызматынан бүгүн билдиришкендей, кечээ Кыргызстандын Москвадагы элчилигинин өкүлдөрү жардыруу болгон жерге барышкан. Соңку маалыматтар боюнча жардырууда 10 адам өлүп, 50гө жакыны жарадар болгон.
