БИШКЕК. Кыргызстандын 2007- жылга каралган бюджетин жаңы принциптердин негизинде түзүү маселелери Жогорку Кеңеште 7-8-сентябрь күндөрү талкууланат. Бул тууралуу парламенттин бюджет жана каржы комитетинин мүчөсү Искендер Гайыпкулов билдирди. 25-августта Ошто Бюджет жана каржы комитети бюджеттик саясаттагы реформага, эки баскычтуу бюджеттин кемчиликтери жана артыкчылыктарына байланыштуу маселелерди талкуулаган. Жогорку Кеңештин кезектеги сессиясы өз ишин 1-сентябрда баштайт.
