Израилдин коргоо министри Амир Перец кечээ күнү - Ливан согушу учурунда кетирилген кемчиликтерди аныктоо максатында атайын мамлекеттик комиссия түзүш керек деп чыкты. Премьер-министр Эхуд Олмерт болсо мурда ага каршы болчу. Отуз төрт күнгө уланган согуш учурунда Ливан тараптан 1180 адам курман болгон, алардын көпчүлүгү - карапайым жарандар. Израил тараптан 160 адам өлгөн, алардын көпчүлүгү - аскерлер.