Улуттар уюму НАТОну Ооганстанда апийим өндүрүшүн жок кылууга киришүүгө чакырууда

БУУнун анти-наркотик кеңсеси түштүк Ооганстанда апийим өндүрүшүн жок кылууга НАТО күчтөрүнүн чечкиндүү кийлигишүүсүн талап кылды.
Антонио Мариа Косто Брюсселде Ооганстанда апийим өстүрүү боюнча соңку отчетун окуду. Отчетко ылайык, дыйкандарды башка өсүмдүктөргө өтүүгө жардам деп миллиондогон доллар сарпталганына карабастан, Ооганстанда апийим өндүрүшү быйыл дээрлик 60 пайызга өскөн.