Курманбек Бакиев Россия бийлиги издетип жаткан орус ишкери Борис Березовскийди өмүрү көрбөгөнүн, эч качан алакасы болгон эместигин бүгүн депутаттардын суроолоруна жооп берип жатып айта кетти. Ушул жылы июль айында Березовский президенттин уулу Максим Бакиевдин чакырыгы менен Бишкекке жашыруун келип, президент Бакиев менен дагы жашыруун жолугушуп кеткени жөнүндө сөз тарагандыктан, депутаттар мунун чын-төгүнүн бышыкташ үчүн президенттин өзүнөн сурашты.
