Ирактагы америкалык аскерлердин жетекчилеринин бири генерал Питер Чиарелинин айтымында, акыркы күндөрдө Багдад шаарындагы куралдуу кагылышуулар өтө күчөгөндүктөн, алардын алдын алып, шаарда тынчтык орнотуу аракеттери - сунни жана шийи мусулмандары ортосундагы Анбар провинциясындагы кагылышууларды токтотууга караганда маанилүү болуп чыгып жатат. Ошондуктан Анбарда жайгаштырылган америкалык аскерлер Багдад шаарына которулууда.