БИШКЕК. Мамлекеттик тил күнүнө арналган “Ырдайлы кыргыз ырларын!” аттуу эл аралык фестивалдын жеңүүчүлөрү аныкталды. Баш байгени жапониялык жети ыктыярчы кыздардан куралган “Сахна гүлү» комузчулар ансамбли утуп алды. Фестивалга өлкө аймагынан ар улуттагы жүздөн ашуун өнөрпоздор катышты. Аталган иш чарага расмий чакырылган президент, премьер-министр, мамлекеттик катчы келишкен жок.
