Парламенттин бүгүнкү отуруму башталарда депутат Дооронбек Садырбаев “Пирамида” компаниясынын теле мунарасын өрттөгөн белгисиз адамдардын жоругун, ага карата бийликтин, парламенттин көңүл буруусун айтып чыкты. Жогорку Кеңештин төрагасы Марат Султанов “Пирамиданын” жамаатынан кайрылуу кат келгенин, бул маселенин чоо жайын иликтөө парламенттин коопсуздук, коргоо жана маалымат саясаты боюнча комитетине тапшырылганын билдирди.
