Бул ишти Ош шаарында Кадамжай райондук соту августтун этегинде карап баштаган. Мамлекеттик айыптоочу Рыскулбек Бактыбаев буга дейре соттон калабачыларга түздөн-түз тиешеси бар деп айыпталып жаткан 6 адамдын төртөөнө өлүм жазасын берүүнү, калган экөөсүн 20 жана 12 жылга эркинен ажыратууну сураганын жарыялаган. Ушул жылдын 12-майында Тажикстан тараптан кирген куралдуу топ Баткендеги Актурпак чек ара-бажы бекетине кол салып, Кадамжайдын жанындагы атышууда алардын үчөө окко учкан, бирөө колго түшкөн. Кагылышууда кыргыз тараптан 6 адам курман болгон.
