«Реформа үчүн» кыймылынын кеңешинин мүчөсү Өмүрбек Абдырахманов 2-октябрда президент Курманбек Бакиев менен жолугушкан. Бул тууралуу Абдырахманов «Азаттыкка» бүгүн билдирди. Жолугушууда президентке кыймылдын талаптары жеткирилип, Кыргызстанда кырдаалдын курчушуна жол бербөө маселеси талкууланган. Ошондой эле чырдуу маселелер боюнча тегерек стол чакыруу мүмкүнчүлүгү да көтөрүлгөн. (AiT)
