БИШКЕК. “Демократия жана атуулдук коом үчүн” коалициясынын президенти Эдил Байсалов кечээ күнү Варшавада ЕККУнун жыйынында сөз сүйлөп, Кыргызстандын азыркы бийлиги 24-мартта элге берген убадаларын тез эле унутту деп билдирди. Коалиция тараткан маалыматка караганда, Эдил Байсалов азыркы бийлик тез эле калпка көнүп, коррупцияга тез эле аралашты, деп сынга алган. Ал ошондой эле 2-ноябрда өтө турган митингдин талаптары менен эл аралык уюмдарды тааныштырып, Кыргызстандагы саясий кырдаалды көз кырынан чыгарбоону алардан өтүнгөн. (AJ)
