Жогорку Кенештеги талкууда алгачкылардан болуп сөз сүйлөгөн депутат Болот Марипов мыйзамдуулуктун так сакталбагандыгын, кадр саясатындагы кемчиликтер туруксуздуктун булагы болуп жатканын белгилеп, эки тарапты маселени мыйзам негизинде сүйлөшүү менен чечүүгө, өлкөнү ич ара согуштун абалына жеткирбөөгө чакырды. Депутат Азимбек Бекназаров митингдин максаты тууралуу айтып, бийлик үчүн тез арада аткарууга мүмкүн боло турган саясий талаптар коюлуп жатканын, ал конституциялык реформа жана кадр саясатын оңдоо экенин билдирди. (AiT)
