“Ата мекен” партиясынын областтык уюмуну уюштуруу конференциясына Бишкектен партиянын лидерлери, Жогорку Кеңештин депутаттары Өмүрбек Текебаев жана Болот Шерниязовдор келип катышышты. Конференциянын биринчи бөлүгү партиянын облустук, райондук башчыларын, эсептөө комиссия мүчөлөрүн шайлоо менен аяктады. Ал эми экинчи бөлүгүндө алгачкы сөз Өмүрбек Текебаев менен Болот Шерниязовго берилип, алар азыркы бийликтин кетирип жаткан кемчиликтерин, Талас облусундагы төө бурчак мафиясы кайрадан жанданып жатканын айтышып, бул маселенин барын “Ата мекен” партиясы көзөмөлгө аларын билдиришти.(UE)
