2-ноябрдагы митингди ачкан Алмазбек Атамбаев мындай деди: "Урматтуу агайын-туугандар! Биз мурда күнү Бакиев менен эки жолу жолукканбыз, бир жолу эртең менен, бир жолу кечинде. Эгерде ачык айтсак, Курманбек Салиевич Бакиев бүгүн жаңы Конституцияны парламентке алып барам, тогуз жарымда парламентке киргизем, деп айткан. Иш жүзүндө бул сөз да калп болуп чыкты. Ошондуктан мен сүйлөрдүн алдында бул жерде парламенттин депутаттары турат, болгон окуяны өздөрүнөн угалы, анан кийин мен сүйлөп берейин".
