Облбийликтин маалымат кызматы тараткан билдирүүгө ылайык, дубанда коомдук-саясий абалга тынчсызданууга негиз жок. Оппозициянын Бишкектеги митингин колдоп нааразылык акциясына чыгышы ыктымал деп күтүлгөн Базаркоргон, Аксы, Сузак райондорунда да калк күндөлүк турмушу менен убара. Ак үй алдында өтүп жаткан митингде айтылгандай, Жалалабатта митинг болгон жок. Токтогул районунда дагы абал тынч, эч кандай митинг болбогонун "Азаттыкка" райондук акими Ыман Досбаев атайы чыгып билдирди.(YA)
