Түшкө жуук Алатоо аянтындагы митингдин эки миңге жакын катышуучусу Бишкек шаары мэриясы менен КТРди багыттап жөө жүрүшкө чыгышты. Алар Бишкек шаар башчысы Арстанбек Ногоевдин кызматтан кетишин, КТРден «Реформа үчүн» кыймылынынын талаптарын туура чагылдырууну талап кылуу максатын көздөшүүдө. Жүрүштүн алдында Темир Сариев, Алмаз Атамбаев, Каныбек Иманалиев сыяктуу «Реформа үчүн» кыймылынын лидерлери баратышат. Алатоо аянтында митинг уланууда.
