«Реформа үчүн» кыймылынын теңтөрагасы Алмаз Атамбаев Өкмөт үйүнө кирип Президент менен жолугуп, оппозициянын талаптарын таштап чыкканын митингичилерге жарыя кылды. Ал талаптар: парламентке конституциянын оппозиция менен макулдашылган долбоору киргизилсин, элдик ишенимдеги өкмөт түзүлсүн, КТР коомдук телекөрсөтүү болуп кайра уюштурулсун, «Пирамидага» кысым токтосун, ага-ини Конгантиевдер кызматынан кетсин, Аксыдагы кан төгүүнү уюштургандар жазасын алсын, экс-президент Акаевдин мүлкү элге өтсүн, үйбүлөлүк бизнес токтосун.
