Жогорку Кеңеш депутаттары жаңы конституцияны кабыл алуу үчүн Уюштуруу жыйынын түзүштү. ЖК жыйынына катышып аткан кырктан ашык депутат Уюштуруу жыйынынын мүчөсү болуп эсептелет жана жаңы Конституция үчүн добуш бере алат. Жаңы Конституция үчүн добуш берүү Жогорку Кеңеште түнкү эки жарымда болгон жатат. Конституциялык Соттун төрагасы Чолпон Баекова парламент жыйынына келип, жаңы Конституцияны кабыл алуунун шарты баш мыйзамда каралбаганын белгилеп, бирок азыркы өзгөчө кырдаалда депутаттар өздөрүнүн регламентине таянып, бир чечим кабыл алса боло турганын билдирди.
