Жогорку Кеңештин депутаттары төрт жыл мурда парламент имаратына курал алып кирүү окуясын иликтөөнү талап кылышты. Эл өкүлдөрү анда Улуттук коопсуздук боюнча комитеттин ошол кездеги төрагасы Камчыбек Ташиев мыйзам бузууга барганын айтып чыгышты.
Жогорку Кеңештин депутаты Нурбек Сыдыгалиев парламенттин жыйынында инвестиция агенттигинин мурдагы жетекчиси Фархат Иминовду коррупцияга айыптады. Ал инвесторлордон 2 миллион доллар акча талап кылганын айтты.
Венесуэладагы катуу жер титирөөдө кеминде 500 киши каза тапты. Депутат Нурбек Сыдыгалиев Инвестиция агенттигинин мурдагы жетекчиси Фархат Иминовду жана “Кыргызкөмүр” ишканасынын экс-директору Кайрат Маматовду коррупцияга айыптады. Беларус орус дрондоруна жардам көрсөткөн жабдууларды өчүрдү.
Кыргыз өкмөтү 9,5 млрд доллардан ашкан мамлекеттик карыз өнүгүүгө жумшалып жатканын айтып, кооптонууга негиз жоктугун билдирет. Коомдо алынган карыздарды натыйжалуу пайдаланууга байланыштуу маселе көтөргөндөр аз эмес.
Президент Нарын облусунун Ат-Башы районундагы “Чар” эс алуу жайынын айланасындагы окуяны териштирүү тапшырмасын берди. Бул эс алуу жайын уюштурган ишкер Исабек Абдыгазиев УКМКнын мурдагы жетекчилигинин кысымына туш болуп, бизнесинен ажыраганын айтып чыккан.
Жогорку Кеңештин төрагасы Марлен Маматалиев мурдагы спикер Нурланбек Тургунбек уулун соңку парламенттик шайлоодо өзүнө жакын саясатчылардын тизмесин түзүп, алардын мандат алышына жардам берген деп айыптады. Мындай билдирүү коомчулукта шайлоого байланышкан маселени кайра козгоду.
Венесуэлада катуу жер титирөө бери дегенде 32 кишинин өмүрүн алып, 700дөн ашык киши жараланды. Борбор шаар Каракаста жана айланасындагы конуштарда көп кабаттуу үйлөр урап калды.
Кыргызстанда мындан бир ай мурун АИ-95 бензини 85 сомдон 86 сомго, АИ-92 бензини 79 сомдон 80 сомго кымбаттаса, дизелдин баасы 91-92 сом болгон. Андан бери күйүүчү майдын айрым түрлөрүнө дагы бир сомдон кошулду.
Жогорку Кеңештин төрагасы Марлен Маматалиев “Азаттык” учкай маек куруп, “75тин катына” байланыштуу билдирүүлөрү жана депутаттардын көз карандысыздыгы жана башка актуалдуу маселелер тууралуу суроолорго жооп берди.
Өзбекстан менен сүйлөшүүлөрдүн жыйынтыгында мурда коңшу өлкөгө караган эки айыл – Чоң-Кара жана Таш-Төбө конуштары жашоочулары менен чогуу Кыргызстанга өттү. Бишкек алардын ордуна Ташкентке чек ара тилкесинен теңме-тең жер берди.
Кыргызстанда кезектеги президенттик шайлоо келерки жылы 27-январда болот. Бул туурасында билдирген парламент спикери бүгүн кайрадан "75чилердин катынын" тобокелдигине токтолду
Кыргызстанда “Ширшов фонду” деген коомдук уюм расмий каттоого алынды. Коомдук уюм аны орусиялык ишкер Алексей Ширшов негиздегенин “Азаттыкка” ырастады. Фонд гуманитардык багытта иш алып барарын айтканы менен айрым талдоочулар ага тыкыр көз салуу зарыл экенин белгилөөдө.
Дагы жүктөңүз
