Каспий деңизиндеги машыгууда 14 аскер курман болду. Орусияда акыркы маалда мигранттарды текшерүү күчөп кеткени маалым болду. Нью-Йоркто жүрүшкө чыккандар Газадагы согушту айыптап, Израилдин өкмөт башчысын камоого чакырды.
Чүй облусунун Сокулук районунда бир айдын ичинде эле үч окуучу каза болду. Алар өз жанын өзү кыйганы айтылууда. Экөө кошуна жана курдаш болгон. Бул маселе Жогорку Кеңеште да көтөрүлүп, мындай каргашалуу окуяга олуттуу көңүл буруу зарылдыгы белгиленди.
Мурдагы ички иштер министри, саясатчы Өмүрбек Суваналиев 2027-жылда өтчү президенттик шайлоого талапкер болуу ниети бар экенин билдирди. Бул тууралуу саясатчы “Азаттыкка” маегинде айтты.
Кыргызстанда президенттик шайлоо 2027-жылдын 27-январында өтөт. Парламенттин 24-сентябрдагы токтому гезитке жарыялангандан кийин шайлоо процесси башталып, талапкер болуу ниети бар жарандар арызын тапшырууга киришет.
Кыргызстан Европанын санкциялык саясатына тынчсыздануусун билдирип, шаркет менен туруктуу байланышта экенине карабай, чектөөлөргө кабылганын айтууда. Жапаров 50 компаниянын иши токтотулганын мисал келтирип, европалык өнөктөштөр менен ачык диалог жүргүзүүгө кызыкдар экенин билдирди.
Кыргызстанда энергетика жана башка тармактардагы айрым кылмыш иштеринде аты аталган Алексей Ширшов “Ширшов фондун жеке каражатынын эсебинен каржылап жатканын”, “эч кандай саясий дымагы жок экенин”, “Каракол жубайы ушул шаардан болгондуктан тандалганын” айткан видеотасма жарыяланды.
22-сентябрда Нью-Йоркто Бириккен Улуттар Уюмунун Башкы Ассамблеясынын 81-сессиясынын жалпы дебаты башталды. Садыр Жапаров өз сөзүндө Украина, Иран, Судан жана Газадагы окуяларды атап, дүйнөдөгү согуштар менен гуманитардык кризистер эл аралык процесстердин татаалдашканын көрсөтүп турганын айтты.
Жаңы окуу жылынын башында Чаткалда 9-класстын, Сузакта 10-класстын окуучусу каза болду. Мектептеги балдардын коопсуздугун ким коргойт? Берлиндин мэри түркиялык мигранттардын кызы Элиф Эралп болуп калышы ыктымал. 45 жаштагы саясатчы Нью-Йорктун мэри Мамданиден үлгү алганын айтты.
Кыргызстанда мектептердеги окуучулардын коопсуздугу менен катар буга чейин козголгон китеп маселеси дагы курч бойдон турат. Министрлер кабинетинин төрагасы Адылбек Касымалиев 21-сентябрда атайын кеңешме өткөрдү.
АКШнын Нью-Йорк шаарында Бириккен Улуттар Уюмунун Башкы ассамблеясынын 81-сессиясынын жалпы дебаттары башталууда. Анда Кыргызстандын президенти Садыр Жапаров дагы сөз сүйлөйт.
Жогорку Кеңештин комитети президенттик шайлоону 2027-жылдын 27-январына дайындоо боюнча токтом долбоорун жактырды. Шайлоо алдында бийлик атаандаштык үчүн тең шарт түзүлөрүн айтууда. Ошол эле маалда президент талапкер болуп катталса кызматын тапшырышы керекпи деген суроо коюлдууда.
Инвесторлорго жерди убактылуу пайдаланууга берүү жөнүндөгү мыйзам долбоору Жогорку Кеңеште карала баштады. Бийлик чет элдик инвесторлорго шарт түзүп, сырттан келген капиталдын агымын көбөйтүү аракетин көрүп жатканда жерди убактылуу колдонууга берүү маселесинин тегерегинде талкуу күч алган.
Дагы жүктөңүз
