Казак президенти Нурсултан Назарбаев кечээ Египеттин президенти Хосни Мубарак менен жолугушту. Анда президент Мубарак Казакстандан дан сатып алууга кызыкдар экенин билдирди. Назарбаев Египеттин портторун колдонууга кызыкчылыгын айтты жана Мубарактын Казакстанга жана Борбор Азияга болгон алгачкы сапары эки тараптуу кызматташтыкты бекемдөөгө жардам берет деген үмүтүн билдирди. Соода тармагында кызматташтыкты бекемдөө маселелеринен тышкары эки өлкө лидерлери Жакынкы Чыгыштагы абалды да талкуулашты.
