БИШКЕК. Конституциянын жаңы редакциясына демократиялык багыттагы олуттуу өзгөрүүлөр кирди. Бул тууралуу Жогорку Кеңештин төрагасы Марат Султанов президент К.Бакиев жаңы редакциядагы Конституцияга кол койгондон кийин журналисттерге билдирди. Анын айтымында, орус тилинин ырасмий тил катары макамы сакталып калды, кыргызстандыктарга кош жарандык алууга уруксат берилди. Айыпкер катары шектелгендерди камоо мурдагыдай прокуратура аркылуу эмес, сот аркылуу гана ишке ашат. Ошондой эле соттордун эркиндиги кеңейтилди. Сот иштери боюнча Улуттук кеңеш түзүлүп, ал Конституциялык укукка ээ болот. Ага сотторду тандоо жана президент менен Жогорку Кеңешке сунуштоо укугу берилет.
14:48 Марат Султанов: Жаңы Конституцияга демократиялык багыттагы олуттуу өзгөрүүлөр кирди
