Мындай чакырыктар 9-ноябрда Базаркоргон районунда өткөн бийликчил митингде дагы жаңырды. Митингде сөз алгандар Ө.Текебаевди «бийликтин ишине тоскоолдук кылып жатат" деп айыпташты. Экс-спикерди депутаттыктан чакыртып алуу комитети жаз айларында түзүлгөн. Комитеттин төрагасы Максат Калдаровдун айтымында, Борбордук шайлоо комиссиясына 14 миңден ашык адамдын колу тапшырылган. «Ата Мекен» партиясынын облустук уюму депутаттыктан чакыртып алуу өнөктүгүн бийликке кошомат кылган адамдардын иш-аракети катары баалады жана кол топтоо иши мыйзам бузуулар менен коштолгонун билдирди. ( YA)
