Нарын облусунун Ат-Башы районундагы “Бирлик” айылында уюшулган аталган жамааттык уюм алгач 2200 сом чогултуу менен иш башташкан. 1 жылдан ашык убакыт ичинде жамааттын каражаты 80 миң сомдон ашып, быйыл анын 57 миң сомуна көчөгө шагыл төктүрүү, 4 негизги көпүрөнү оңдоо менен туурасы 5 метр, калыңдыгы 40 см болгон жаңы жолду ишке беришти. Бүгүнкү күндө жамаатта 20 миң сомдон ашык акча каражаты бар. Бул тууралуу Нарындагы кабарчыбыз Күмөндор Усуптегин билдирди.
