Чек ара кечки алтыдан таңкы сегизге дейре жабылууда. Бул район борборуна Өзбекстан аркылуу каттоого аргасыз Кадамжайдын 10 чакты айылынын калкына өзгөчө түйшүк туудуруп, элдин нааразылыгын күчөтүүдө. Жергиликтүү бийликтин өзбек тарап менен сүйлөшүүлөрүнөн азырынча эч кандай майнап чыкпай жатат. Бул тууралуу «Азаттыкка» Баткен облустук бийлигинин өкүлү Таштемир Эшалиев билдирди.
