24-ноябрда түнкү нөөмөттө иштеп жаткан шахтерлор газга ууланып, анын кесепетинен беш адам көз жумган. Каза тапкан адамдардын ысымдары жана алар тууралуу маалыматтар толук такталды. Алардын бардыгы Баткен облусунун Лейлек районунун тургундары болот деп билдирди “Азаттыкка” Чукул кырдаалдар министрлигинин басма сөз катчысы Алишер Ташматов. Анын айтымында беш шахтердун үчөө кырсык болгон “Раимбердиев” шахтасынын кызматкерлери эмес. Азыр кырсык болгон жерде тийиштүү кызматтар иштеп, изилдөө иштери жүрүп жатат. (ZMa)
