Ирактын премьер-министри Нури ал-Малики өлкөнүн коопсуздугу үчүн өкмөттөгү бири-бирине атаандаш фракцияларды өз ара карама-каршылыктарын токтотууга чакырды. Эмки аптада Иракка коңшу мамлекеттердин тышкы иштер министрлери Ирактагы калабаларды токтотуу боюнча Каирде жолугушуу өткөрүшөт. Кечээ Иракта 18 киши өлтүрүлдү жана 36 адамдын сөөгү табылды. Ошондой эле террордук чабуулда кеминде 16 киши курман болгону айтылат.
