Жогорку Кеңештин төрагасынын орун басары Тайырбек Сарпашев башында турган депутаттык комиссиянын суроо-талабы боюнча Интерполдун штаб-квартирасынан Кыргызстандын Ички иштер министрлигине кат келди. Бул тууралуу депутат Өмүрбек Текебаев бүгүн билдирди. Анын айтымында, катта иликтөө иштери жүргүзүлгөнү кабарланган. Текебаевдин героин чатагына кабылышын иликтеген депутаттык комиссия Интерполдун бул чатакка тийиштиги бардыгын аныктоо өтүнүчү менен уюмдун Лиондогу штаб квартирасына кайрылган эле.Бирок Ички иштер министрлигинин басма сөз катчысы Аида Бакирова бул маалыматты ырастаган жок.
