КМШ өлкөлөрүнүн лидерлери бүгүн Минск шаарында кезектеги саммитте жолугушууда. Быйыл КМШ 15 жылдыгын белгилейт. Бирок өткөн жылдардын ичинде уюм өзүн таасирдүү уюшма катары көрсөтө алган жок. Саммиттин күн тартибине, көз каранды эмес мамлекеттер шериктештигинин ишин жакшыртуу, гуманитардык кызматташуу, мыйзамсыз миграция жана Россиянын газын Европага КМШ өлкөлөрүнүн аймагы аркылуу алып өтүү маселелери талкууланат.
