Дүйнөлүк банктын Бишкектеги өкүлчүлүгүнүн алдына бүгүн ондогон адамдар пикетке чыгышты. Алар Дүйнөлүк банк тарабынан Кыргызстанга сунушталып жаткан ХИПИК программасына каршылыгын билдиришти. Пикетчилер ХИПИК программасы мамлекеттин мойнуна илинген сыйыртмак деп, ал өлкөдө демократияны, көз карандысыздыкты жоюуга алып келерин белгилешүүдө. Нааразылык акциясын өлкөнүн жаштар уюмдары уюштурушту.
