Жыйын катышуучулары гендердик тен укуктуулук жөнүндөгү мыйзам кагаз жүзүндө калганын белгилешти. Алардын айтымында, бийлик уюмдарындагы тең салмактуулукту сактоого патриархалдык эски калдыктар тоскоол болууда. Жергиликтүү айрым бийлик башчылардын орунбасарлары аял экенин айтпаганда, Жогорку Кенеште алардын бир да өкүлү жок.Облустагы «Лидер аялдар» бирикмесинин төрайымы Жанна Саралаева аялдар Өзбекстанда парламенттин 18 пайызын, Тажикстанда 12, Казакстанда 8 пайызын түзөрүн мисал келтирди. Жалалабат шаарындагы казыналык мекемелердин кызматкерлеринин 40 пайызы аялдар. (YA )
