Жогорку Кеңештин вице-спикери Кубанычбек Исабековдун билдирүүсү боюнча парламенттик угуу өткөрүү зарылдыгы акыркы убактарда түзүлгөн паспорттук кризистен улам келип чыккан. Депутаттын айтымында жай мезгилинде бир аз калыпка түшүп калган паспорт маселеси акыркы эки айдын ичинде кайра күчөп, паспорт ала албаган жарандар ажылыкка барууга, окуу жана башка максаттар менен чет жактарга чыгууга мүмкүнчүлүк алалбай жатышат.
