Кыргызстандык атуулду Москвадагы ооруканалардын биринде энеси багып жатат. Тышкы иштер министринин маалымат катчысы Нуржигит Кадырбековдун айтымында, министрлик кыргыз атуулуна кол салуу фактысы боюнча Россия тышкы иштер министрлигине 22-ноябрда нота жолдогон. Учурда бул окуя боюнча 11 киши кармалып, алардын экөөнө денеге оор жаракат келтирген деген айып тагылууда. Скинхеддерден жабырланган Солтоноев Кубанычбек аттуу бул жигиттин чөнтөгүнөн Чыңгыз Кайлыповдун наамындагы паспорт табылган. Тергөө кызматтары маселенин бул өңүтүн да иликтеп жатат.
