Курманбек Бакиев парламентте сүйлөгөн сөзүндө саясий партияларды кайрадан каттоодон өткөрүү, «Саясий партиялар жөнүндөгү» мыйзамды Конституциянын жаңы редакциясына дал келтирүү өңдүү сунушун билдирди. Бакиев ошондой эле жыл жаңыргыча бир катар саясий мыйзамдарды жаңыртып берүү зарыл деп эсептеди. Анын айтымында, учурда парламентте өкмөт сунуштаган элүүгө жакын мыйзам каралбай турат. Мындан тышкары президент Энергетика жана минералдык ресурстар министрлигин түзүү сунушун билдирди.
