Соңку он беш жыл ичинде кесиптик кызматын аткарып жатып 200дөн ашуун журналист набыт болду. Кечээ Парижде “Чекарасыз кабарчылар” уюмунун баш катчысы Европа кеңешинин парламенттик ассамблеясынын – ПАСЕнин төрагасына он эки миңдей адамдын колу топтолгон петиция тапшырды. Анда журналист Анна Политковскаянын өлүмүн эл аралык деңгээлде иликтеп чыгуу талабы айтылган.