Линктер

ЧУКУЛ КАБАР!
4-Март, 2021 бейшемби, Бишкек убактысы 10:11

КЫРГЫЗСТАН ХИПИККЕ КИРСЕ, ЧОҢ ТОЛКУНДООЛОР ЧЫГЫШЫ МҮМКҮН


Элеонора Бейшенбек кызы Бишкекте ХИПИКке каршы жаштардын акциялары уланууда. 18-декабрда жыйырмадан ашык студент жана жаш саясатчылар форумунун өкүлдөрү Жогорку Кеңештин алдына чогулду. Алар Кыргызстан ХИПИК программасынан таптакыр баш тартуусу керек деген талапты коюшту. Ушул айдын он бешинде тышкы карызы чоң өлкөлөр үчүн программага кирүү шарттары боюнча Дүйнөлүк банк жана Эл аралык валюта корунун миссиялары менен Кыргызстандын сүйлөшүүлөрү аяктаган.

Эгер кыргыз өкмөтү ХИПК программасына кирүү макулдугун берсе, өлкөдө чоң нааразылык толкундоолор башталат, дейт "ХИПИКке каршы чыгып аткан жарандык жана жаштар уюмдарынын өкүлдөрү.

“Ашар” коомдук кыймылынын мүчөсү Мирзаттын айтымында карызы чоң жарды өлкөлөрдүн программасына кирсе, Кыргызстан суу байлыгынан кол жууйт:

- ХИПК программасы бул биздин мөнгүлөргө, таза сууларга болгон чабуул. Негизги максат ошол. Биздин энергетика тармагыбызды көздөп жатат. Кыргыз элинин таз сууларын аңдып жатат.

Жаш саясатчы Элегия Мусаеванын айтымында кыргыз өкмөтү өзү койгон талаптар кабыл алынса гана кирет деген билдирүүсү жаңылыштык:

-Кыргыз өкмөтү биз ХИПКе кыргыздын шарттары менен киребиз деп айтып келатпайбы. Чындыгында бул андай эмес. Биз Дүйнөлүк Банктын, Эларалык валюта корунун расий сайттарына кирип карап көрсөк, ал жакта стандарттуу шарттар – триггерлер деп коет экен, ошол шарттар такыр өзгөрбөйт экен. Энергетика жана тоо-кен өнөр жайы менчиктештирилет экен. Ал эми бул эң талылуу, эң маанилүү маселелер.

ХИПИКке каршы болуп аткан жаштар бийликтин өзүнүн өлкөнү экономикалык кризистен чыгаруу программасы жоктугун айтып сынга алышууда. Бурулкан Абыкеева аттуу студент кыз Кыргызстан ХИПИКке кирүүгө макулдугун берсе, анда бийликти кетирүү туурасында ураандар жаңырмакчы:

-Эгер ХИПКке болбой, ушул беш киши өткөрө турган болсо, анда ал беш кишинин тагдырын беш миллион эл чечет да, кандай жол болбосун анда бул бийликтегилер сөзсүз кетет.

Ал арада ХИПИК программасы анчалык деле коркунучтуу эмес деген пикирлер да айтылып келет. “Демократия жана жарандык коом үчүн” бирикмесинин башчысы Эдил Байсалов программанын өзун туура эмес түшүнүп жаткандар каршы чыгып жатканын айткан эле:

-Толук маалымат албай туруп, жөн эле “ХИПИКке кирбейбиз эле кирбейбиз ” деп бакырып атабыз. Ошо ХИПИКке кирип калсак эле көз карандысыздыгыбыз бүтүп калчудай болуп. Бул толугу менен туура эмес маалымат.

Кыргыз өкмөту ХИПИКке кирүү шарттары өзгөртүлө турган болсо бул программадан баш тарта ала тургандыгын билдирген. Каржы жана экономика министри Акылбек Жапаровдун маалымдашынча Кыргызстандын ХИПИКке кириши боюнча ырасмий жообу 2007-жылы март айында берилет.

ХИПИКкке каршы нааразылык акциялардын чоң толкуну 19-декабрда болгон жатат. Атайын ак калпак кийип, улуттук символикаларды көтөргөн жарандардын тобу “ХИПИКсиз Кыргызстан” деген ураан алдында Жогорку Кеңештин имаратынын алдына чыгышмакчы.

XS
SM
MD
LG