Бүгүн кечке жуук болгон жолугушууда партия лидерлери, Жогорку Кеңештин депутаттары Өмүрбек Текебаев менен Болот Шерниязов өлкө башчысына өкмөттүн кызматтан чегинишинен улам түзүлгөн кырдаал боюнча маалымат беришти. Алар ноябрда кабыл алынган баш мыйзамда олуттуу карама-каршылыктар бар экенин, аны ошол эле конституцияда көрсөтүлгөн тартипте четтетүү зарылдыгын белгилешти. Ошондой эле мындай кырдаалдан чыгуу үчүн мунаса комиссиясын түзүүнү сунушташты. Жолугушууда президент депутаттардын баасына макул болуу менен мамлекет башчысы катары маселени чечүү үчүн зарыл чараларды көрөөрүн билдирди.(SM)
