АШХАБАД.Түркмөн гезиттери Конституцияга киргизилип жаткан оңдоолорду жарыялашты. Жаңы киргизилген оңдооолорго ылайык, президенттин милдетин аткарып жаткан Гурбангулы Бердымухамедов президенттикке талаптана алат. Буга чейин Конституция боюнча президенттин милдетин аткарып жаткан адам президенттикке талапкер боло алуучу эмес. Бүгүн ошондой эле парламенттин спикери Овезгелди Атаев расмий түрдө кызматтан алынды. Конституция боюнча президент каза болсо, анын милдетин аткаруу парламент спикерине өтмөк.
