АШХАБАД. Түркмөнстандын Борбордук шайлоо комиссиясы 11-февралда өтө турган президенттик шайлоого талаптанып жаткан 6 талапкерди тең каттоодон өткөрдү. Ошону менен бирге комиссия өлкөнүн 65 шайлоо аймагына шайлоого кам көрүүгө буйрук берди. Ал эми анын аралыгында, мамлекеттик гезиттер президенттик шайлоо жөнүндөгү жаңы мыйзамды жарыялашты. Мыйзам өлкөнүн эң жогорку мыйзам чыгаруу органы Калк Маслахаты тарабынан 26- декабрде кабыл алынган.
