БШК маалымат катчысы Нина Мухинанын “Азаттыктын” кабарчысына билдиргени боюнча ушул тапта БШК шайлоо өткөрүүгө даяр эмес. Анын айтуусунда Башмыйзамдын жаңы редакциясында жазылгандай Жогорку Кеңештин депутаттыгына шайлануучу 90 депутатты шайлоону камсыздоого шайлоо аймактары аныктала элек. Анткени азырынча шайлоо партиялык тизме менен болобу же мажоритардык система менен өтөбү белгисиз. Башмыйзам боюнча Жогорку Кеңештин азыркы курамы тарап кетсе парламенттик шайлоо 45 күндүн аралыгында өтүүгө тийиш.
