Кечээ Багдаддын түндүгүндөгү Ад-Давр кыштагында жүздөгөн сунниттер Саддамдын өкүмү аткарылышына нааразылык билдиришти. Алардын көпчүлүгү куралчан. Ад-Даврда 2003-жылы америкалык жоокерлер Саддамды колго түшүргөн. Ал эми Тикрит шаарында Саддамга жаназа окуу үчүн ондогон чатырлар тигилди. Сунниттердин негизги тобу Хусейндин өлүмү үчүн Америка Кошмо Штаттарын күнөөлөштү жана өкүмдүн Айт күндөрү аткарылганына нааразы болушту.
