«Жоомарт» саясий кыймылынын лидери, «Каракече кожоюну» атыккан Нурлан Мотуевдин иши боюнча сот жараяны ушул айдын аягында Бишкек шаарында же Жумгал районунда башталышы күтүлүүдө. Бул тууралуу бүгүн адвокат Жумабек Шакиров билдирди. Анын айтымында, айыпталуучунун декабрда соңуна чыккан тергөө ишин прокуратура келерки аптада сотко өткөрүшү мүмкүн. Мотуев былтыр майда Бишкекте камакка алынып, ага Кылмыш кодексинин он төрт беренеси боюнча айып тагылган. Мотуев прокуратура койгон айыптарды мойнуна алган жери жок.(BuS)
