БАГДАД. Бүгүн Багдадда Ирак аскерлери отуздай куралчан согушкерди жок кылшты. Бирок, өлкөнүн телевидениеси 8 согушкер жок кылынганын, жана бешөө колго түшүрүлгөнүн, алардын баары судандыктар экенин маалымдады. Аскердик операция суннилердин көзөмөлүндө турган Хайфа көчөсүндө болгон. Бүгүн ошондой эле аталган аймактан полиция кыйноолорго дуушар болуп жан берген 27 адамдын сөөгүн таап алды. Кечээ Ирактын премьер - министри Нури-ал Малики Багдаддагы абалды турукташтыруу үчүн аскердик операция жүргүзүлө турганын билдирген.
