ГАЗА. Атаандаш топтордун өз ара кагылышуусунан бүгүн Газа тилкесинде үч палестин курман болду. Мындай кагылышуу Палестин Автономиясынын президенти Махмуд Аббас Хамастын коопсуздук күчтөрүн мыйзамсыз деп жарыялап, алардын расмий коопсуздук аскерлерге кошулуусун талап кылган соң болуп олтурат. Хамас президенттин бул билдирүүсүн сынга алып, коопсуздук күчтөрүн эки эсеге көбөйтө турганын билдирди.
