Президент Нурсултан Назарбаев премьер-министрликке көрсөткөн Карим Масымовдун талапкерлигин Казакстандын «Нур Отан» партиясы колдоду. Масымов улуту боюнча уйгур, Кытайда билим алган, буга чейин казак президентинин кеңешчиси, өкмөттө экономикалык пландоо ишин жетектеп, өлкөнүн транспорт жана байланыш министри кызматын ээлеген. 10–январда казак парламентинин кош жыйынында Масымовдун талапкерлиги каралат.
