Кечээ Казакстандын парламенти өлкөнүн мурдагы вице-премьер-министри, 41 жаштагы Карим Масимовду премьер-министрдин кызматына бекитти. Масимовдун талапкерлигин парламентке казак президенти Нурсултан Назарбаев сунуштаган. Ушуну менен Карим Масимов Казакстан эгемендүүлүгүн алгандан берки жетинчи премьер-министри болуп калды. Буга чейинки премьер-министр Даниал Ахметов 8-январда кызматынан кеткен, анын себептери ачык айтылган жок.
