Россиянын Кыргызстандагы убактылуу ишенимдүү өкүлү В.С.Посохин Россия өкмөтү 2006-жылдын 31-декабрына чейин HIPC программасына кирип чыккан жакыр мамлекеттердин карызын жоюуга даяр экендигин, бирок ал документте Кыргызстан жөнүндө эч кандай сөз болбогону тууралуу жооп бергенин “Асаба” партиясынын ордо кеңешинин төрагасы Дөөлөт Нусупов бүгүн маалымат жыйынында билдирди. Анын айтымында, Экономика жана каржы министри Акылбек Жапаров жалган маалымат таратуу менен HIPCке кирүүгө кандай кызыкчылыгы бар экендиги түшүнүксүз. Жаңы жыл алдында Жапаров “Эгерде Кыргызстан 2006-жылдын 31-декабрына чейин HIPCке кирсе Россия өкмөтү Кыргызстандын 189 млн. доллар карызын кечет” деген маалымат тараткан. (AJ)
