12-январда Сауд Аравиясында жол кырсыгынан жабыркаган Кыргызстандык 11 адамды кошкондо жалпысынан 88 зыяратчыны бүгүн эртең менен мекенине алып келдик, деп билдирди Дин иштери боюнча агенттиктин башчысы Жолборс Жоробеков. Анын айтымында, автокырсыктан каза болгон 21 атуулдун сөөгү Меккеге же Мединага коюлат. Учурда Сауд Арвиясында Кыргызстандык 11 атуул ооруканада, алардын экөөнүн абалы оор. “Жол кырсыгынан жабыр тарткандарга эл аралык кызыл жарым ай уюму, Фуджера бийлиги чоң жардам көрсөттү”,-дейт Жоробеков. (AJ)
