Мындай сунуш парламентке бүгүн же жакынкы күндөрү жолдоноорун президенттин маалымат кызматынан тастыкташты. Жогорку Кеңеште кечээ бул кызматка көрсөтүлгөн Феликс Куловдун талапкерлиги колдоо тапкан эмес. Жетиштүү добуш албаган соң ал талапкерлиги кайра коюларына үмүт артаарын, президент ага убада бергенин айткан. Ошол эле учурда айрым депутаттар Жогорку Кеңештин регламентине ылайык, бул талапкерди кайра көрсөтүүгө мыйзам жол бербестигин белгилешүүдө. (SM)
